Deûs p’tits vantrins a cwårês,
Rodjes èt blancs,
Blancs-èt bleûs,
Ènnè vont trik’nonote.

On p’tit vantrin a cwårês
Louke in-ôte
Qui fêt dès rôyes di blanke crôye
So l’ neûr tåvlê.

Deûs p’tits vantrins a cwårês
Si t’nèt po l\\\' min
Èt magnèt ’ne pome,
Ine pome ossi rodjeQu’on coûr hop’lé d’ amoûr.

Deûs p’tits vantrins a cwårês
Fèt lès cwanses dè hoûter
Li mêsse a bèrikes.
Èt d’vins leûs-oûy,
Å fî fond d’ leûs-oûy,
La qui l’ loukeûre finih
Èt qu’ l’ åme kimince,
I-n-a-st-on sondje,
On sondje fêt d’ balowes,
Di loumîre èt d’ prétimps.

Deûs p’tits vantrins a cwårês
Rodjes èt blancs,
Blancs èt bleûs,
Sont ployîs so ’ne tchèyîre.

Fez tot doû...
Deûs-andjes dwèrmèt.