Li bê pårler d’ nosse Walonerèye 
Hoss’rè todi nos coûrs d’ èfants… 
Ossi come èl fèt nos-at’nants,
Nos l’ disfindrans, qwè qu’ on ’nnè dèye.

Pace qu’ il a d’manou, tot al fèye, 
Peûr èt virlih, clér èt tchantant
Li bê pårler d’ nosse Walonerèye
Hoss’rè todi nos coûrs d’ èfants.
 
Po l’ tèyåte ou bin l’ powézèye,
Il a sès mêsses, a qui nos d’hans :
Sèyîz´ påhûles, nos nos bat’rans
Afîs´ qui måy nouk ni roûvèye
Li bê pårler d’ nosse Walonerèye.