Tot ’nn’ alant påhûle al breune
Pa ’ne foû bèle nut´ di plinte leune,

Tot ’nn’ alant påhûle al breune
Noste ôrlodje a soné eune.

Tot londjant lès meûrs di Teû,
Noste ôrlodje a soné deûs.

Tot passant a waye a Sinte-Creû,
Noste ôrlodje a soné treûs.

Mins tot balzinant so l\' Bate,
Noste ôrlodje a soné cwate.

Cink′ , sîh, sèt´, ût´, noûf´, dîh, onze,
On-z-a djåzé avou Fonse

Qui s\' aminéve reû-t-a-bale
Dèl grande ouhène di Tchèrtål.

Tot roûviant la qu\' èlle aléve
Fé dès tchèstês so l\' Ambléve :

Qu\' aléve-dju fé la, dit-st-èle
Adon qu\' nosse Moûse èst si bèle ?

Ralans-gń ’nnè rade al mohone,
Bravès djins, v\'la doze qui sone.