Dj\' a toumé so treûs caracoles
Qui s\' ènn\' alît turtotes è scole.

Èt d\'vins on pré, treûs gros lum\'çons
Qui d\'hît bin di tièsse leû lèçon.

Èt pwis è cléris´, dès cwate-pèces
Qui scriyît ’ne longue lète a Nanèsse.

Wice dimane-t-èle leû p\'tite sicole ?
Å mitan d\' on tchamp d\' èscaroles ?

Èst-ce on deûkèt-di-Notru-Dame
Qu\' èlzî chèv mutwèt d\' cloke, bim´, bam´ ?

Èt leû mêsse, èst-ce bin li cwèrbå
Qui dj\' veû scrîre bin lon tot la-hôt

Dès bèlès lètes so on vî på ?