So l’ bwète a muzike, portant vèye,
Loukîz li pope qui toûrnikêye,
Seûye-t-i so ... ine êr di polka
Ou bin so l’ cisse d’ine mazurka.

Dji vôreû bin, mi, tote mi vèye,
Poleûr danser tofér come lèy,
So mès bètchètes, so mès talons,
So ’ne êr di valse ou d’ cråmignon.

Dji m’ veû dèdja tote blanke moussèye
Danser è rond tote li djoûrnêye.
Mi vèye, toûrner come on påvion,

N’ sèreût-ce, por mi, måy qu’on råvion.