Ine pitite glawène
On p’tit mazoukèt 
Vinèt-st-èl couhène
Po fé danser l’ tchèt.
C’ è-st-ine sûtèye bièsse
Qui comprind l’ walon
Èt qu’ èlzî fêt fièsse
Avou sès « ron-ron ».

« Binamêye Minète,
Diha l’ mazoukèt,
A vèy vosse binète,
On s’ sint tot fringuèt ».
Èt l’ nozêye glawène
Èl prinda so s’ hô
Po båhî s’ narène
Tot lî d’hant « bravo ».

Lès tchèts qu’ on rabrèsse
Aprindèt l’ walon
Po trover leû plèce
D’vins lès cråmignons.
Nos-alans-st-al vole
Nos î mète ossi
Ca lès mêsses di scole
Nos volèt-st-êdî.