Li cîr a-st-apicî s\' halète
Èt si spondj\'roû po tot blanki.
Di tot wice qu\' on toûne li hanète
Dès djårdins, dès bwès blanc moussîs.
Dès p\'tits-oûy qui dèdja riyèt,
Èdjoupsinés, so l\' houp\'diguèt.

Lès tchawes ni wèzèt aprèpi,
Pawe di scrîre mutwèt dès måcules
So lès blankès pådjes dès cortis.
Målåhèye di d\'mani påhûles !
Deûs mamés coûrs fèt d\'dja dès hopes,
Prèt́a potchî, danser l\' maclote !

Sèpez-v\' poqwè l\'a tant nîvé ?
L\' annêye s\' a moussî po s\' batème,
Come lès-oûhês, èle va tchipter
Èt miner sins î fé astème,
Nos deûs spitants pitits-èfants
So l\' vôye dèl djôye po tot-in-an.